Արմավիրի մարզպետի աշխատակազմ

ՀՀ Արմավիրի մարզպետ Համբարձում Մաթևոսյանը մարզպետարանի գլխավոր քարտուղարի պաշտոնակատար Վարդան Վարդազարյանի ուղեկցությամբ այսօր անակնկալ այցով եղել է Արմավիրի բժշկական կենտրոնում, շրջել բուժհաստատությունում, ծանոթացել աշխատանքային պայմաններին, գույքային հագեցվածությանը, զրուցել բուժաշխատողների հետ:

Արմավիր ԲԿ կատարած այցի շրջանակում մարզպետը բուժհաստատության տնօրեն Սարգիս Խաչատրյանի հետ քննարկել է ինֆեկցիոն բաժանմունքը վերաբացելու, արյան կայանը ԲԿ-ի տարածքում տեղակայելու և հեմոդիալիզի բաժանմունքն ընդլայնելու հնարավորությունները: Մարզպետ Համբարձում Մաթևոսյանը տնօրենի հետ քննարկել է նաև բուժհաստատությունը մշտական հոսանքով ապահովելուն և բակային տարածքը բարեկարգելուն վերաբերող հարցեր: