Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեպտեմբեր ամսից Արմավիրի 9-րդ մանկապարտեզը կգործի առավել բարեկարգ պայմաններով
18.07.2019
ՀՀ Արմավիրի մարզպետի տեղակալ Կարեն Գրիգորյանի մոտ հուլիսի 17-ին տեղի է ունեցել Զբաղվածության մարզային հանձնաժողովի հերթական նիստը, որի ընթացքում քննարկվել և մարզպետարանի հավանությանն է արժանացել Արմավիր քաղաքի թիվ 9 մանկապարտեզում մասնակի վերանորոգման աշխատանքներ իրականացնելու վերաբերյալ ծրագիրը:
Նախատեսվող աշխատանքներն իրականացվելու են Աշխատանքի և սոցիալական հարցերով նախարարության` «Վարձատրվող հասարակական աշխատանքի կազմակերպման միջոցով գործազուրկների ժամանակավոր զբաղվածության ապահովում» ծրագրի շրջանակում:
Ծրագրի արժեքը շուրջ 3 մլն 115 հազար դրամ է, որից 1 մլն 500 հազար դրամը հատկացվելու է Աշխատանքի և սոցիալական հարցերով նախարարության կողմից, իսկ 1 մլն 615 հազար դրամն էլ համաֆինանսավորելու է Արմավիրի քաղաքապետարանը:
Ծրագրի ընթացքում 5 գործազուրկ 2 ամիս կապահովվի ժամանակավոր աշխատանքով:
