Տեղեկատվական կենտրոն
Նորություններ
Մարզպետ Համբարձում Մաթևոսյանի մոտ տեղի է ունեցել քաղաքացիների հերթական ընդունելությունը
18.07.2019
ՀՀ Արմավիրի մարզպետ Համբարձում Մաթեւոսյանի մոտ փոխմարզպետ Կարեն Գրիգորյանի և մարզպետարանի ոլորտային պատասխանատուների ներկայությամբ այսօր տեղի է ունեցել քաղաքացիների հերթական ընդունելությունը, որին մասնակցել է նախապես գրանցված 6 քաղաքացի:
Քաղաքացիները մարզպետին դիմել են անձնական և գործնական բնույթի հարցերով, այդ թվում` մարզում զբոսաշրջությունը զարգացնելու, ինչպես նաև երիտասարդական-կրթական ծրագրերին ծանոթանալու և դրանց իրագործմանն ընդառաջելու խնդրանքով:
Ներկայացված հարցերը Համբարձում Մաթևոսյանը քննարկել է մարզպետարանի կառուցվածքային ստորաբաժանումների պատասխանատուների հետ՝ պատրաստակամություն հայտնելով օրենքի և մարզպետարանի լիազորությունների շրջանակում աջակցել դրանց լուծմանը:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի՝ սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ: