Տեղեկատվական կենտրոն
Նորություններ
Մարզպետը ՔՏՀԱՏՄ ղեկավարության հետ քննարկել է օրակարգային հանդիսացող մի շարք հարցեր
23.07.2019
ՀՀ Արմավիրի մարզպետ Համբարձում Մաթևոսյանն այսօր հանդիպում-քննարկում է ունեցել Քաղաքաշինության տեխնիկական և հրդեհային անվտանգության տեսչական մարմնի ղեկավարության հետ:
Հանդիպման ընթացքում քննարկվել են մարզի տարածքի միջպետական և հանրապետական ճանապարհների հարակից հատվածներում անավարտ շինությունների ցուցակների կազմման և դրանց ավարտման ուղղությամբ միջոցառումների կազմակերպմանը, ինքնակամ շինությունների ցուցակների պատրաստմանը և Կառավարության որոշման համաձայն դրանց հետևանքների վերացմանը վերաբերող հարցեր:
Անդրադարձ է եղել նաև ներմարզային կանոնավոր ուղևորափոխադրումների մրցութային և ոլորտային այլ հանձնաժողովներում տեսչական մարմնի մասնագետների ընդգրկմանը:
Հաշվի առնելով մարզի տարածքում հրդեհների քանակի աննախադեպ աճը` պայմանավորվածություն է ձեռք բերվել մարզպետարանի համապատասխան վարչության հետ համատեղ հրդեհների կանխարգելման ուղղությամբ իրականացնել միջոցառումների ծրագիր, ինչպես նաև ակտիվացնել համագործագցությունը` ի շահ ոլորտային խնդիրների օպերատիվ և արդյունավետ լուծման: