Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզի պատվիրակությունն Արցախում է` մասնակցելու Համահայկական 7-րդ ամառային խաղերին
06.08.2019
ՀՀ Արմավիրի մարզպետ Համբարձում Մաթևոսյանի գլխավորությամբ Արմավիր, Էջմիածին և Մեծամոր քաղաքների պատվիրակությունները մեկնել են Արցախի Հանրապետություն` մասնակցելու Համահայկական 7-րդ ամառային խաղերին:
Արմավիր քաղաքը ներկայացնող մարզիկները Համահայկական 7-րդ ամառային խաղերին մասնակցություն կունենան բազկամարտ, թեթև աթլետիկա, շախմատ, հեծանվասպորտ, մինի ֆուտբոլ և վոլեյբոլ մարզաձևերում:
Էջմիածին քաղաքի մարզիկներն էլ մասնակցություն կունենան բազկամարտ սպորտային պարեր, շախմատ, ֆուտբոլ, վոլեյբոլ և թենիս մարզաձևերում: Իսկ մեծամորցի մարզիկները կմրցեն շախմատ, ֆուտբոլ և վոլեյբոլ մարզաձևերի շրջանակում:
Նշենք, որ խաղերին մասնակցում են 35 երկրի 161 քաղաքից ավելի քան 5300 մարզիկ-մարզուհիներ:
Համահայկական խաղերի փակման հանդիսավոր արարողությունը տեղի կունենա օգոստոսի 17-ին՝ Երևանի Ազատության հրապարակում:
***
Համահայկական առաջին խաղերը տեղի են ունեցել 1999 թվականի օգոստոսի 28-ից սեպտեմբերի 5-ը՝ Երևանում: Խաղերին մասնակցել են 23 երկրի 63 քաղաքի 1141 մարզիկ-մարզուհիներ, որոնցից 529-ը Հայաստանից, 612-ը՝ Սփյուռքից:
Խաղերի աշխարհագրությունը և մարզաձևերի քանակը տարեցտարի ընդլայնվում է:
