Տեղեկատվական կենտրոն
Նորություններ
ՊԱՐԶԱԲԱՆՈւՄ
09.09.2019
Անդրադառնալով «News.am» լրատվական կայքում «55 տարեկան տղամարդ եմ, աղջկաս համար՝ նաեւ մայր. հայրն աուտիկ դստեր հետ փողոցում է գիշերում» վերտառությամբ տեսանյութին՝ հարկ ենք համարում տեղեկացնել, որ Կարո Գեւորգյանը դեռեւս 2017 թվականից պարբերաբար դրամական օգնություն է ստացել ՀՀ Արմավիի մարզպետարանից։ Այդ մասին վկայում են համապատախան իրավական ակտերը եւ քաղաքացու ստորագրությամբ ստացած գումարի տեղեկանքները։ Մարզպետարանը վերջինիս աջակցություն է ցուցաբերել նաեւ փաստաթղթային եւ երեխայի՝ հատուկ խնամքի կենտրոն հաճախելու հարցերում։
Մարզպետարանի միջնորդությամբ Կարո Գեւորգյանին ամենամսյա դրամական աջակցություն է ցուցաբերվել նաեւ Հայկավան համայնքի ղեկավարի կողմից։ Սակայն մարզպետարանին հասու դարձած տեղեկությամբ` համապատասխան գումարները քաղաքացին ծախսել է ալկոհոլ ձեռք բերելու նպատակով (այդ մասին կփաստեն նաեւ Հայկավան համայնքի բնակիչները)։
Իսկ ինչ վերաբերում է ՀՀ Արմավիրի մարզպետարանի աշխատակիցներին տրված քաղաքացու որակավորումներին, ապա հարկ ենք համարում նշել, որ դրանք ամբողջությամբ սուտ են եւ չեն համապասխանում իրականությանը։