Տեղեկատվական կենտրոն
Նորություններ
Մարզպետը շնորհավորանքի խոսք է հղել Տարեցների միջազգային օրվա կապակցությամբ
01.10.2019
![](http://armavir.mtad.am/files/n_pics/22334_s.jpg)
Տարեցների միջազգային օրվա կապակցությամբ ի սրտե եւ լավագույն ցանկություններով շնորհավորում եմ մեր ավագ սերնդի ներկայացուցիչներին` անչափ կարեւորելով նրանց անուրանալի դերակատարումը մեր կյանքում, մերօրա հաջողությունների եւ ձեռքբերումների գործում:
Սիրելի տատիկներ եւ պապիկներ, դուք ձեր տարիների վաստակով երջանիկ ծերություն ունենալու, արժանապատիվ կյանքով ապրելու մեծ իրավունք եք վաստակել: Հավատացած եղեք, որ այսօր մեր իշխանություններն անում են հնարավորը` ձեզ արժանին մատուցելու, ձեր կյանքն ու կենցաղն առավել բարեկեցիկ դարձնելու համար:
Կրկին շնորհավորելով ձեզ այս հաճելի օրվա առթիվ` ցանկանում եմ քաջառողջություն եւ տոկունություն:
Ամենայն լավն ու բարին բոլորիդ: