Արմավիրի մարզպետի աշխատակազմ

ՀՀ Արմավիրի մարզպետ Համբարձում Մաթեւոսյանի, Ոստիկանության պետի ժամանակավոր պաշտոնակատար, ոստիկանության գնդապետ Արման Սարգսյանի եւ այլ պաշտոնյաների մասնակցությամբ Սարդարապատի հերոսամարտի հուշահամալիրում այսօր տեղի է ունեցել Ոստիկանության կրթահամալիրի ակադեմիայի, քոլեջի եւ ուսումնական կենտրոնի առաջին կուրսեցիների երդման հանդիսավոր արարողությունը:

Բարձրաստիճան սպաներն ու պաշտոնյաները նախ ծաղիկներ են խոնարհել Արցախյան ազատամարտում զոհված մարտիկների եւ Հայաստանի առաջին Հանրապետության հիմնադիր Արամ Մանուկյանի հուշարձաններին, հարգանքի տուրք մատուցել նրանց հիշատակին, ինչին էլ հաջորդել է երդման արարողությունը:

Երդման հանդիսավոր արարողությունն ավարտվել է կրթահամալիրի սաների հանդիսավոր երթով եւ ոստիկանության զորքերի պատվո պահակախմբի ցուցադրական ելույթով: