Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքի տոնավաճառ` Արմավիր քաղաքում
30.10.2019
Աշխատանքի և սոցիալական հարցերի նախարարության Զբաղվածության պետական գործակալության կողմից այսօր Արմավիր քաղաքում կազմակերպվել է աշխատանքի տոնավաճառ, որին ներկա է գտնվել նաև ՀՀ Արմավիրի մարզպետի տեղակալ Կարեն Գրիգորյանը:
Ողջունելով միջոցառման մասնակիցներին` փոխմարզպետը կարևորել է պետական և մասնավոր հատվածում կադրային քաղաքականության բաց և թափանցիկ իրականացումը` այդ համատեքստում ներկայացնելով Արմավիրի մարզպետարանի որդեգրած մոտեցումը, որի արդյունքում մեծ թվով մարդիկ առանց միջնորդների ապահովվել են աշխատանքով:
Աշխատանքի տոնավաճառին մասնակցել է Արմավիր և Էջմիածին քաղաքների տնտեսության տարբեր ոլորտները ներկայացնող շուրջ 35 գործատու, որոնց կողմից ներկայացվել է ավելի քան 230 թափուր աշխատատեղ:
Միջոցառման շրջանակում աշխատանք փնտրողները և գործատուները հնարավորություն են ունեցել ծանոթանալու Արմավիրի մարզի, մասնավորապես` Արմավիր և Վաղարշապատ քաղաքների աշխատաշուկայի իրավիճակին, զբաղվածության աջակցության պետական ծրագրերին, որոնք ևս ապահովում են աշխատանքով և աշխատող գտնելու հնարավորություն տալիս:
