Տեղեկատվական կենտրոն
Նորություններ
Արմավիրի մարզում ավելանում են կանաչապատ տարածքները. Փարաքար-Մերձավան համայնքների բաժանարար հատվածում տնկվել է շուրջ 1000 ծառ
16.11.2019
ՀՀ Արմավիրի մարզպետ Համբարձում Մաթևոսյանը Տարածքային կառավարման և ենթակառուցվածքների նախարար Սուրեն Պապիկյանի, ԱԺ պատգամավորների, մարզպետարանի աշխատակիցների, համայնքապետերի, մեծ թվով ուսուցիչների և աշակերտների հետ միասին այսօր Փարաքար-Մերձավան համայնքների բաժանարար հատվածում մասնակցել է ծառատունկի, որի ընթացքում տնկվել է շուրջ 1000 ծառ:
Նշված վայրում ծառատունկի իրականացման ծրագիրը մշակվել և կյանքի է կոչվել ԱԺ պատգամավոր Նարեկ Մկրտչյանի, աշխարհահռչակ երաժիշտ Սերժ Թանկյանի և «Էյ Թի Փի» (Armenian Tree Project) ընկերության համագործակցության արդյունքում:
Ծառատունկի համար նախատեսված տարածքը նախկինում պատկանել է «Սահակյանշին» ընկերությանը, որի տնօրինության հետ ունեցած բանակցությունների արդյունքում ավելի քան 8000 քմ հողատարածք վերադարձվել է Մերձավան համայնքին՝ կանաչապատ հանգստի գոտի ստեղծելու նպատակով։