Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Մարզպետն Էջմիածնում ներկա է գտնվել «Ծիծեռնակ» մանկապարտեզի բացմանը

06.12.2019

ՀՀ Արմավիրի մարզպետ Համբարձում Մաթևոսյանը Արմավիրի թեմի առաջնորդ Գերաշնորհ Տեր Սիոն Արքեպիսկոպոս Ադամյանի, Էջմիածնի քաղաքապետ Դիանա Գասպարյանի, համայնքի ավագանու և մեծաթիվ հյուրերի հետ Էջմիածնում այսօր ներկա է գտնվել բարերարներ Արամայիս Միրզոյանի, Կարեն և Արման Մկրտչյանների օժանդակությամբ վերանորոգված «Ծիծեռնակ» մանկապարտեզի բացմանը:

Հյուրերին մանկապարտեզի սաներն ու դաստիարակները դիմավորել են տոնական բարձր տրամադրությամբ, ողջույնի խոսքերով, ինքնատիպ երգ ու պարով:

Ողջունելով միջոցառման մասնակիցներին` մարզպետ Համբարձում Մաթևոսյանը կարևորել է քաղաքացու և ընտանիքի դերը հասարակության մեջ, որն այս տարի արտահայտվել է նաև Քաղաքացու օր տոնակատարությամբ և Մայր Աթոռի կողմից 2019 թվականը «Ընտանիքի տարի» հռչակելու հայտարարությամբ:

«Այս պատերի ներսում դաստիարակվելու են բարձր քաղաքացիական գիտակցությամբ օժտված Հայաստանի Հանրապետության հպարտ քաղաքացիները, ովքեր իրենց ընտանիքից դուրս այստեղ նոր ընտանիք են գտնելու, և այս մանկապարտեզը դառնալու է իրենց լավ ապագայի, հուսադրող կրթության հիմնաքարը»,- իր խոսքում նշել է մարզպետը` մատաղ սերդի դաստիարակության գործում կարևորելով համապատասխան պայմանների առկայությունը և մատնանշելով մարզի կրթության ոլորտում հաշվետու տարում իրականացված աննախադեպ բարեփոխումները:

Ամփոփելով իր խոսքը` նա շնորհակալություն է հայտնել բարերարներին և Էջմիածնի քաղաքապետարանին` մանկապարտեզի վերանորոգման ծրագիրը կյանքի կոչելու և պետականաշինության գործին մասնակից լինելու համար:

Սրբազան հոր օրհնությամբ կատարված բացման արարողությունից հետո բարերարների ուղեկցությամբ մարզպետը և քաղաքապետը շրջել են մանկապարտեզում, ծանոթացել կատարված աշխատանքներին և ստեղծված պայմաններին:

Նշենք, որ վերանորոգումից հետո մանկապարտեզը հնարավորություն ունի ընդունելու ևս 110 երեխայի, որից 55-ը կրտսեր տարիքային խմբում: Իսկ ընդունելությունը սկսվում է 2 տարեկանից:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-08-13 17:55:12