Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ամանորին ընդառաջ մարզպետն այցելել է Մեծ հայրենականի վետերան Շմավոն Ամիրխանյանին
25.12.2019
Ամանորին ընդառաջ ՀՀ Արմավիրի մարզպետ Համբարձում Մաթևոսյանն այսօր այցելել է Բամբակաշատ համայնքում բնակվող Հայրենական մեծ պատերազմի վետերան Շմավոն Ամիրխանյանին և նվերներ հանձնել նրան:
Մեծ հայերնականի 96-ամյա վետերանի հետ ունեցած զրույցի ժամանակ մարզպետն անգնահատելի է համարել նրա և իր մարտական ընկերների սխրանքն ու տարիների անբասիր գործունեությունը, որը հիմք է հանդիսացել պատերազմում հաղթանակի ամրագրման, իսկ հետագայում` պետականաշինության համար:
Շմավոն Ամիրխանյանն էլ իր հերթին շնորհակալություն է հայտնել մարզպետին իրեն այցելելու և մեծ ուշադրության համար` աշխարհին մաղթելով խաղաղություն, հայրենիքին էլ` բարօրություն:
Շնորհավորելով Մեծ հայերնականի վետերանին գալիք տոների կապակցությամբ` մարզպետ Համբարձում Մաթևոսյանը նրան մաղթել է առողջություն և տոկունություն, որպեսզի 2020 թվականի մայիսի 9-ին միասին ծաղիկներ խոնարհեն Հայրենական մեծ պատերազմում զոհվածների հուշակոթողին և տոնեն մայիսյան եռատոնը:
