Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն այցելել է «ԲԱՂԵՇՅԱՆ» ոսկու գործարան
27.02.2020
ՀՀ Արմավիրի մարզպետ Համբարձում Մաթևոսյանն այսօր այցելել է «ԲԱՂԵՇՅԱՆ» ոսկու գործարան («ՓԱԹԻԼԱ» սահմանափակ պատասխանատվությամբ ընկերություն):
Ընկերության սեփականատեր, թուրքահայ գործարար Էֆրին Պաղի ուղեկցությամբ Համբարձում Մաթևոսյանը շրջել է գործարանում, ծանոթացել արտադրական գործընթացին և աշխատանքային պայմաններին:
Մարզպետին ներկայացվել է, որ գործարանը 2018 թվականից մասնակի շահագործվում է և ունի ավելի քան 100 աշխատակից: Ոսկերչական գործարանում գործում է նաև պատկերասրահ և վաճառասրահ: Արտադրվող ոսկյա զարդերն էլ իրացվում են ոչ միայն Հայաստանում, այլև արտահանվում են Ամերիկա, Եվրոպա և Ռուսաստան:
Ակնկալվում է, որ գործարանն ամբողջությամբ շահագործելուց հետո կապահովվի շուրջ 400 նոր աշխատատեղ, իսկ արտահանման ծավալը կտրուկ կավելանա:
