Տեղեկատվական կենտրոն
Նորություններ
Գարնանային արձակուրդները տեղափոխվել են մարտի 2-ից 8-ը
02.03.2020
ԿԳՄՍ նախարար Արայիկ Հարությունյան. Որոշում ենք կայացրել մարտի վերջին նախատեսված դպրոցական գարնանային արձակուրդները տեղափոխել մարտի 2-ից 8-ը ներառյալ:
Խոսքը վերաբերում է.
- նախադպրոցական ուսումնական հաստատություններին
- դպրոցներին
- քոլեջներին
- արվեստի դպրոցներին
- ուսումնարաններին
- բուհերին
Ուսումնական հաստատությունների ղեկավարները համապատասխան հրամանը կստանան այսօր առավոտյան:
Կառավարությունն ու շտաբն այս ընթացքում կուսումնասիրեն իրավիճակը, և շաբաթվա վերջին որոշում կկայացվի հետագա անելիքների և դասերը վերսկսելու վերաբերյալ:
Սույն որոշումը վերաբերում է նաև ուսումնական հաստատությունների աշխատակիցներին:
Հորդորում ենք հետևել միայն պաշտոնական լրահոսին՝ զերծ մնալ տարածվող լուրերից և շահարկումներից։