Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

«Մեյմանդար» շուկան ախտահանվել է. ԱԻՆ Արմավիրի ՄՓՎ-ն վարակազերծել է 200 տաղավար և 115 խանութի դիմային հատված

03.06.2020

Ինչպես արդեն տեղեկացրել էինք, պարետ Տիգրան Ավինյանի որոշման համաձայն մեկ օրով պետք է դադարեցվեր Արմավիրի մարզի Գայ համայնքի վարչական տարածքում գործող «Մեյմանդար» շուկայի գործունեությունը` տարածքը ախտահանելու և սանիտարական վիճակը վերականգնելու նպատակով:

Շուկան փակվել է այսօր` ժամը 10:00-ից, և կգործի վաղը` ժամը 10:00-ին: Սահմանված ժամկետում նախատեսված միջոցառումների շրջանակում ԱԻՆ Արմավիրի ՄՓՎ-ն այսօր վարակազերծման համալիր գործընթաց է իրականացրել շուկայի ողջ տարածքում` ախտահանելով 200 տաղավար և 115 խանութի դիմային հատված:

Ելնելով վերոգրյալից` դարձյալ վստահեցնում ենք մեր քաղաքացիներին, որ պարետի որոշումները, պարետատան կողմից սահմանված հակահամաճարակային նորմերը միայն ու միայն ուղղված են բոլորիս անվտանգության ապահովմանը և համաշխարհային այս մարտահրավերի միասնական հաղթահարմանը:

Ուստի յուրաքանչյուրիցս պահանջվում է քաղաքացիական գիտակցության բարձր աստիճանի դրսևորում և հանրային պատշաճ վերահսկողության իրականացում:

Առո՛ղջ եղեք
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-07-03 17:48:40