Տեղեկատվական կենտրոն
Նորություններ
Աղավնատուն համայնքի գլխավոր ճանապարհը կասֆալտապատվի
15.06.2020
Աղավնատուն համայնքի գլխավոր ճանապարհը` Նշան Մաթևոսյան պողոտան կասֆալտապատվի. անվտանգ երթևեկ կապահովվի համայնքի բնակիչների և վարորդների համար:
Ծրագրի ընդհանուր բյուջեն կազմում է 20 մլն 363.24 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը 45% է` 9 մլն 163.46 հազար դրամ, իսկ համայնքի մասնակցությունը` 55%` 11 մլն 199.78 հազ. դրամ:
270 գծմ երկարությամբ ճանապարհի ասֆալտապատման համար անհրաժեշտ է 100 մմ հաստության տոփանումով բազալտե խճից հիմնահատակի իրականացում, 1000 քմ բիտումի լցաբաշխում և 4 սմ հաստությամբ ասֆալտբետոնե ծածկույթի իրականացում:
Ասֆալտապատման աշխատանքների իրականացման ընթացքում կստեղծվի 10-ը ժամանակավոր աշխատատեղ: Ծրագրի շահառուների թիվը 3580 է: