Տեղեկատվական կենտրոն
Նորություններ
Կգազաֆիկացվեն Մուսալեռ համայնքի Գ.Լուսավորիչ, Նարեկացի և Մուշ փողոցները
16.06.2020
Կգազաֆիկացվեն Մուսալեռ համայնքի ակտիվորեն կառուցապատվող Գ.Լուսավորիչ, Նարեկացի և Մուշ փողոցները. 142 տնամերձ հողատարածք կապահովվի կապույտ վառելիքով:
Գազաֆիկացումը կիրականացվի սուբվենցիոն ծրագրի շրջանակում, որի ընդհանուր բյուջեն կազմում է 24 մլն 623.69 հազ. դրամ, որից ՀՀ պետական բյուջեից տրամադրվող սուբվենցիայի չափաբաժինը 50% է` 12 մլն 311.845 հազ. դրամ, իսկ համայնքի մասնակցությունը` 50%` 12 մլն 311.845 հազ. դրամ:
Գազաֆիկացման ծրագրի իրականացման միջնաժամկետ արդյունքում ակնկալվում է բնակչության կոմունալ պայմանների բարելավում և համայնքի համաչափ զարգացում, իսկ երկարաժամկետ արդյունքում` համայնքի գրավչության բարձրացում, բնակչության թվի ավելացում և սոցիալ-տնտեսական վիճակի բարելավում:
Հավելենք, որ ծրագրով նախատեսված աշխատանքների իրականացման փուլում կստեղծվի 8 ժամանավակվոր աշխատատեղ: