Արմավիրի մարզպետի աշխատակազմ

Սուբվենցիոն ծրագրի շրջանակում մեկնարկել են Բաղրամյան (Վաղարշապատի տ.) համայնքի մշակույթի տան մասնակի վերանորոգման աշխատանքները:

Ծրագրի ընդհանուր բյուջեն կազմում է 28 մլն 309.3 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը 30% է` 8 մլն 492.8 հազար դրամ, իսկ համայնքի մասնակցությունը` 70%` 19 մլն 816.5 հազար դրամ:

Ծրագրի շրջանակում վերակառուցվելու է 1971 թվականին շահագործման հանձնված մշակույթի տան քանդված հատվածը, փոխվելու են դռներն ու պատուհանները, կառուցվելու է ջրամատակարարման և ջրահեռացման համակարգ, վերանորոգվելու է սանհանգույցը, դահլիճի հատակը, հարթեցվելու և ներկվելու են պատերը: Ծրագրի իրականացման արդյունքում ակնկալվում է ունենալ բնակչության համար անվտանգ և բարեկարգ մշակույթի տուն, որը կնպաստի համայնքում մշակութային կյանքի ակտիվացմանը և կապահովի 35 ժամանակավոր և 5 հիմնական աշխատատեղ:

Հավելենք, որ այս տարի Բաղրամյան համայնքում իրականացվելու է ևս մեկ սուբվենցիոն ծրագիր` համայնքի մանկապարտեզի բակի վերանորոգման ծրագիրը, որի ընդհանուր բյուջեն կազմում է 15 մլն 808.43 հազար դրամ, պետություն-համայնք 7 մլն 904.2 հազարական դրամ համաֆինանսավորմամբ:

Նշված ծրագրերը համայնքի զարգացման ռազմավարության առաջնահերթություններից են: