Արմավիրի մարզպետի աշխատակազմ

Բուժաշխատողի մասնագիտական օրվա կապակցությամբ ՀՀ Արմավիրի մարզպետարանի ենթակայությամբ գործող Արմավիրի, Մեծամորի, Էջմիածնի բժշկական կենտրոնների, Վաղարշապատի հիվանդանոցի, «Քեւօրք եւ Անիտա Փակումեանների հիշատակի «Հիսուսի մանուկներ» առողջության կենտրոն»-ի, Արմավիրի արյան փոխներարկման կայանի, ինչպես նաև Մրգաշատի, Տանձուտի, Փարաքարի, Թաիրովի, Աղավնատան բուժամբուլատորիաների և ԱՆ «Հիվանդությունների վերահսկման և կանխարգելման ազգային կենտրոն»-ի մի խումբ աշխատակիցներ մասնագիտական տոնի և մարզի առողջապահության համակարգում անբասիր, բարեխիղճ ու անմնացորդ նվիրումով կատարած աշխատանքի համար ՀՀ Արմավիրի մարզպետ Համբարձում Մաթևոսյանի և ՏԻՄ-երի կողմից պարգևատրվել են պատվոգրերով, շնորհակալագրերով և դրամական պարգևներով:

Օրվա առթիվ բժշկական հաստատությունների շուրջ երեք հարյուր աշխատակիցներ, այդ թվում` բժիշկներ, բուժքույրեր, մայրապետեր և սպասարկող հատվածի պատասխանատուներ, դրամական պարգևներով, խրախուսական նվերներով, պատվոգրերով և շնորհակալագրերով են պարգևատրվել նաև տնօրինության կողմից:

Շնորհավորելով Բուժաշխատողի օրվա առթիվ պարգևատրվածներին և արժևորելով նրանց վաստակը` բոլորին ցանկանում ենք նորանոր ձեռբերումներով ու հաջողություններով ուղեկցվող աշխատանքային գորոծունեություն և ամենայն բարիք: