Տեղեկատվական կենտրոն
Նորություններ
ԱՆ-ն նպատակային կլինիկական օրդինատուրայի գործընթացի բարեփոխումներ է նախաձեռնել
06.07.2020
Բժշկական կրթություն ստացող հարգելի ուսանողներ, տեղեկացնում ենք ձեզ, որ Առողջապահության նախարարությունը նախաձեռնել է նպատակային կլինիկական օրդինատուրայի գործընթացի բարեփոխումներ: Մասնավորապես նախատեսվում է, որ այս տարվանից կլինիկական օրդինատուրա ընդունվող բժիշկ-մասնագետներն ավարտելուց հետո մարզային բժշկական կազմակերպություններում մասնագիտական գործունեություն կիրականացնեն 3 տարի` նախկին 5 տարվա փոխարեն:
Նշանակումներ կատարելիս նախարարությունը հաշվի կառնի գործուղվող բժիշկ-մասնագետի նախապատվությունը, ինչպես նաև նրանց կաջակցի մարզերում կացության հարցում, որի ուղղությամբ կատարվում են սոցիալական աջակցության մեխանիզմների մշակման աշխատանքներ:
Նշենք, որ ուսումնառության ընթացքում կլինիկական օրդինատորները ստանում են կրթաթոշակ` նվազագույն աշխատավարձի չափով:
Իսկ 2020-2021 թթ. ուսումնական տարվա նպատակային կլինիկական օրդինատուրայի մասնագիտությունների ցանկը հետևյալն է:
Ցանկացողները գրանցման և մանրամասներին ծանոթանալու համար կարող են դիմել.
- Առողջապահության նախարարություն (Կառավարական տուն N 3, անձնակազմի կառավարման վարչություն, 211 սենյակ)
- 060-80-80-03/1505, 1504
- david.hovsepyan@moh.am