Արմավիրի մարզպետի աշխատակազմ

ՀՀ Արմավիրի մարզպետ Համբարձում Մաթևոսյանը ՌԴ անվտանգության դաշնային ծառայության սահմանապահ վարչության Արմավիրի սահմանապահ ջոկատում բարձրաստիճան սպայակազմի, հանրապետական գործադիր մարմինների Արմավիրի տարածքային կառույցների ղեկավարների, Արմավիրի թեմակալ առաջնորդի, քաղաքապետի և այլ պաշտոնյաների հետ այսօր ներկա է գտնվել նորակոչիկների երդման հանդիսավոր արարողությանը:

Ողջունելով միջոցառման մասնակիցներին և անպարտելի հայկական բանակի մարտիկներին` մարզպետն իր ելույթի խոսքում մասնավորապես նշել է. «Հարգարժան արքեպիսկոպոս, հարգելի Օլեգ Գենադիևիչ, հարգելի քաղաքապետ և սիրելի հյուրեր: Մենք պատիվ ունենք մասնակցելու ձեր կյանքի ամենակարևոր իրադարձությանը` Հայոց բանակի երդմնակալության արարողությանը:

Քաղաքացիական բարձր պատասխանատվությամբ դուք երդվեցիք ծառայել Հայաստանի Հանրապետությանը և Արցախին, կյանքի գնով պաշտպանել մեր ժառանգած հայրենիքը, երբեք չհանձնվել և հասնել նորանոր հաջողությունների:

Դուք ծառայելու եք լավագույն զորամասերից մեկում, և ձեռք բերված բոլոր ռազմական գիտելիքներն ու հմտությունները կօգնեն ձեզ հաղթահարել բոլոր խոչընդոտները:

Մենք պարտավոր ենք ամուր հիմք հանդիսանալ ձեր ծառայության համար:

Շնորհակալ եմ հրամանատարությանը, մեր զինվորների ծնողներին՝ նրանց մեջ հայրենասիրական ոգի սերմանելու համար: Հաջող և անվտանգ ծառայություն ձեզ, խաղաղ երկինք և բազմաթիվ հաղթանակներ»:

***
“Приветствую воинов непобедимой армянской армии.
Многоуважаемый архиепископ, уважаемый Олег Генадьевич, уважаемый мэр, дорогие гости.

Мы имеем честь участвовать в наиважнейшем событии в вашей жизни - в церемонии инаугурации Армянской армии.

С высокой гражданской ответственностью вы дали клятву служить Республике Армения и Арцаху, защищать ценою жизни унаследованную нами Родину, никогда не сдаваться и достигать новых успехов.

Вы переходите на службу в одну из наилучших военных частей и все полученные военные знания и навыки помогут вам преодолеть все преграды.

Мы обязуемся быть крепкой основой вашей службе.
Благодарю командование, родителей наших солдат за воспитание в них патриотического духа. Успешной и безопасной Вам службы, мирного неба над головой и множество побед”.

Երդմնակալության արարողության ավարտից հետո մարզպետ Համբարձում Մաթևոսյանը, զորամասի հրամանատարական կազմը և միջոցառմանը մասնակից հյուրերը լուսանկարվել են նորակոչիկների հետ` հավերժացնելով նրանց կյանքի կարևորագույն իրադարձություններից մեկը խորհրդանշող օրը: