Արմավիրի մարզպետի աշխատակազմ

Սուբվենցիոն ծրագրով Նոր Կեսարիա համայնքում մեկնարկել են 1975 թվականին կառուցված մշակույթի տան մասնակի վերանորոգման աշխատանքները:

Ծրագրի ընդհանուր բյուջեն կազմում է 13 մլն 163.07 հազ. դրամ, որից ՀՀ պետական բյուջեից տրամադրվող սուբվենցիայի չափաբաժինը 35% է` 4 մլն 607.075 հազ. դրամ, իսկ համայնքի մասնակցությունը` 65%` 8 մլն 555.995 հազ. դրամ:

Ծրագրով նախատեսված աշխատանքների շրջանակում փոխվելու և անհրաժեշտ ծածկույթով է պատվելու դահլիճի, աmֆիթատրոնի և բեմի հատակը, նորոգվելու են դահլիճի պատերն ու առաստաղը, բեմը և դահլիճն ապահովվելու են նոր լուսավորությամբ: Մասնակի վերանորոգվելու է նաև 2018 թվականին փոխված տանիքը:

Մշակույթի տան մասնակի վերանորոգման ծրագրի արդյունքում հարմարավետ պայմաններ կապահովվեն տարբեր բնույթի միջոցառումներ, ներհամայնքային հանդիպումներ և քննարկումներ կազմակերպելու համար:

Ծրագրի իրականացման փուլում կապահովվի 10-12 ժամանակավոր աշխատատեղ: