Արմավիրի մարզպետի աշխատակազմ

Սկսվել են Արմավիր գյուղական համայնքի կենտրոնի բարեկարգման աշխատանքները. սուբվենցիոն ծրագրով իրականացվող աշխատանքների արդյունքում արմավիրցիներն ու համայնքի հյուրերը շուտով կունենան ժամանցի կազմակերպման ու անցկացման հաճելի միջավայր:

Ծրագրի ընդհանուր բյուջեն կազմում է 11 մլն 241.13 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը 30% է` 3 մլն 372.34 հազար դրամ, իսկ համայնքի մասնակցությունը` 70%` 7 մլն 868.79 հազար դրամ:

Ծրագրով նախատեսաված աշխատանքների շրջանակներում կբարեկարգվի կենտրոնական փողոցը, կհեռացվի մշակույթի տան հարակից հրապարակի ասֆալտե շերտը, կհարթեցվի գրունտով և կսալիկապատվի: Կվերականգնվի ջրավազանի արտաքին տեսքը, կտեղադրվեն նստարաններ և շատրվանների շահագործման նոր համակարգ:

Նախատեսվում է նաև մշակույթի տան հարակից մայթի հիմնանորոգում, ծառուղում նոր ծառերի տնկում, ոռոգման համակարգի, ինչպես նաև մայթի և հրապարակի լուսավորության համակարգի հիմնանորոգում, զրուցարանի և սանհանգույցի կառուցում:

Բարեկարգման ծրագրի իրականացմամբ կապահովվեն ժամանակավոր և հիմնական աշխատատեղեր: