Տեղեկատվական կենտրոն
Նորություններ
Սարդարապատցի զինծառայող Դավիթ Գրիգորյանն ԱՀ նախագահի հրամանագրով արժանացել է «Արցախի հերոս» բարձրագույն կոչման
04.10.2020
Արցախի Հանրապետության նախագահ Արայիկ Հարությունյանի հրամանագրով Արմավիրի մարզի Սարդարապատ համայնքի բնակիչ Դավիթ Լյովայի Գրիգորյանն արժանացել է «Արցախի հերոս» բարձրագույն կոչման:
Շարքային զինծառայող Գրիգորյանը սեպտեմբերի 27-ից ակտիվորեն մասնակցել է մարտական գործողություններին, հասցրել է Կարախամբիլի, Ֆիզուլիի հատվածում խոցել 15 տանկ և մեկ միավոր ՀՄՄ:
Նա շարունակում է ծառայել հայրենիքին՝ գտնվելով առաջնագծում:
Փառք ու պատիվ Քեզ, Սարդարապատի ճակատամարտի հաղթական ոգին Քո մեջ կրող ՀԵՐՈՍ:
Հավելենք, որ երեկոյան Գրիգորյանների ընտանիքին կայցելի և նրանց հետ իր ուրախությունն ու հպարտությունը կկիսի Արմավիրի մարզպետ Համբարձում Մաթևոսյանը:
Նշենք նաև, որ ԱՀ նախագահի հրամանագրով «Արցախի հերոս» բարձրագույն կոչմանն են արժանացել նաև.
Էդգար Էդվարդի Մարկոսյան
Յուրա Հայկարամի Ալավերդյան
Կարեն Շահենի Շաքարյան
Դավիթ Վանիկի Ղազարյան (հետմահու)