Տեղեկատվական կենտրոն
Նորություններ
Շուտով կավարտվի Երևանյան փողոցի հանրապետական նշանակության 2 կմ ճանապարհահատվածի հիմնանորոգումը
27.11.2020
Ավարտին են մոտենում Երևանյան փողոցի հանրապետական նշանակության 2 կմ ճանապարհահատվածի հիմնանորոգման աշխատանքները:
Արմավիր քաղաքի համար կենսական նշանակություն ունեցող ծրագիրն իրականացվում է ՀՀ կառավարության ֆինանսավորմամբ` պատվիրակությամբ Տարածքային կառավարման և ենթակառուցվածքների նախարարության:
983.4 մլն դրամ ընդհանուր բյուջեով ծրագրի շրջանակում ճանապարհահատվածի հիմնանորոգմանը զուգահեռ ընթանում են ճանապարհի եզրերի կանաչապատ հատվածի հողաշինարարական աշխատանքներ:
Հավելենք, որ հետագա վթարներից խուսափելու նպատակով Երևանյան փողոցում փոխարինվել են ճանապարհի բոլոր ենթակառուցվածքները՝ ջրագծերը, անձրևատար կոյուղին, էլեկտրահաղորդակցության և կապի մալուխները: