Արմավիրի մարզպետի աշխատակազմ

Բաղրամյան (Վաղ. տ.) համայնքում ավարտվել են 2020 թվականին հաստատված երկու սուբվենցիոն ծրագրերից մեկով նախատեսված աշխատանքները. ամբողջությամբ բարեկարգվել է մանկապարտեզի բակը:

Ծրագրի ընդհանուր բյուջեն կազմում է 15 մլն 808.43 հազար դրամ` պետություն-համայնք 7 մլն 904.2 հազարական դրամ համաֆինանսավորմամբ:

Բաղրամյան համայնքի մանկապարտեզի բակի բարեկարգման ծրագրի շրջանակներում ասֆալտապատվել է մանկապարտեզի տարածքը, անցկացվել է ոռոգման համակարգ, վերանորոգվել է շենքի դիմային հատվածն ու պարիսպը:

Իրականացված ծրագրի արդյունքում նախատեսվում է ունենալ ավելի քան 120 երեխայի կրթադաստիարակչական գործընթացի արդյունավետ կազմակերպման համար անհրաժեշտ պայմաններով ապահովված մանկապարտեզ:

Ինչպես արդեն տեղեկացրել էինք, 1985 թվականին շահագործման հանձնված Բաղրամյան համայնքի մանկապարտեզը 1-ին անգամ ամբողջությամբ վերանորոգվել է 2019 թվականին` սուբվենցիոն ծրագրի շրջանակում և բարերարի աջակցությամբ: Իսկ այժմ գտնվում է ներքին հարդարման փուլում:

Հիշեցնենք նաև, որ այս տարի Բաղրամյան համայնքում հաստատված և իրականացման փուլում գտնվող երկրորդ սուբվենցիոն ծրագրով ընթացքի մեջ են մշակույթի տան մասնակի վերանորոգման աշխատանքները` 28 մլն 309.3 հազար դրամ ընդհանուր բյուջեով: