Արմավիրի մարզպետի աշխատակազմ

Քարակերտ համայնքում ավարտվել են 2020 թվականի համար հաստատված երկու սուբվենցիոն ծրագրերով նախատեսված աշխատանքները. ասֆալտապատվել են Պարույր Սևակ, Գայ և Մովսես Խորենացի փողոցները:

Ծրագրերի ընդհանուր բյուջեն կազմել է 59 մլն 110.9 հազար դրամ`պետություն-համայնք 50% համաֆինանսավորմամբ:

Իրականացված 6475 քմ ասֆալտապատման աշխատանքների արդյունքում երթևեկի համար անվտանգ և հարմարավետ պայմաններ են ապահովվել Քարակերտ և հարակից համայնքների բնակչության, հյուրերի ու վարորդների համար, մեծացել է նաև համայնքի գրավչությունն ու ավելացել տրանսպորտային միջոցների խնայողությունները:

Ասֆալտապատված Պարույր Սևակ և Գայ փողոցները 675 գծմ երկարությամբ հատվածով միանում են Մ-9 միջպետական ճանապարհին, որի աջ և ձախ կողմերում Շենիկ և Արգինա համայնքներն են:
Ծրագրի շահառուների թիվն ավելի քան 15000 է: