Արմավիրի մարզպետի աշխատակազմ

Մեծամոր քաղաքում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները. հիմնանորոգվել է համայնքի թիվ 35 բազմաբնակարան շենքի տանիքը, իսկ մի շարք փողոցների ասֆալտապատումն ընթացքի մեջ է և կավարտվի մինչև տարեվերջ:

Բազմաբնակարան շենքի տանիքի վերանորոգման ծրագրի ընդհանուր բյուջեն կկազմել է 27 մլն 479.1 հազ. դրամ` պետություն-համայնք 50% համաֆինանսավորմամբ:

Ծրագրով նախատեսված աշխատանքների շրջանակում ապամոնտաժվել է քաղաքի 1-ին թաղամասում գտնվող բազմաբնակարան 5 հարկանի շենքի շուրջ 700 քմ մակերեսով հարթ տանիքը և նոր, թեք տանիք է կառուցվել:

Ինչպես արդեն տեղեկացրել էինք, սուբվենցիոն երկրորդ ծրագրով էլ ասվալտապատվում են հիմնականում միջհամայնքային գլխավոր ճանապարհները, որտեղ կան բազմաբնակարան շենքեր, խանութներ, դպրոցական և նախադպրոցական հաստատություններ, հասարակական նշանակության օբյեկտներ: Ասֆալտապատումն իրականացվում է 2285 քմ ընդհանուր մակերեսով:

Ասֆալտապատման ծրագիրն իրականացվում է 22 մլն 557.28 հազ. դրամի շրջանակում, որից ՀՀ պետական բյուջեից տրամադրվող սուբվենցիայի չափաբաժինը կկազմի 45%` 10 մլն 150.776 հազ. դրամ, իսկ համայնքի մասնակցությունը` 55%` 12 մլն 406.504 հազ. դրամ: