Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք՝ աղետալի երկրաշարժի զոհերի հիշատակին
07.12.2020
ՀՀ Արմավիրի մարզպետ Համբարձում Մաթևոսյանն Էջմիածնի քաղաքապետ Դիանա Գասպարյանի, մարզպետարանի և քաղաքապետարանի մի շարք աշխատակիցների հետ միասին այսօր ծաղկեպսակ է դրել և ծաղիկներ խոնարհել սերբ օդաչուների հիշատակը հավերժացնող հուշակոթողին` հարգանքի տուրք մատուցելով 1988 թվականի դեկտեմբերի 7-ի աղետալի երկրաշարժից հետո Հայաստանին օգնության շտապող, սակայն Զվարթնոց օդանավակայանից մի քանի կիլոմետր հեռավորության վրա վթարված օդանավի անձնակազմի և Սպիտակի երկրաշարժի զոհերի հիշատակին:
Ինչպես հիշում ենք, երկրաշարժից հետո վիրավոր Հայաստանին օգնության ձեռք է մեկնել ողջ քաղաքակիրթ մարդկությունը, բարի կամքի տեր բոլոր մարդիկ: Սերբ օդաչուներն էլ շտապում էին օգնության աղետյալ Հայաստանին, սակայն վթարվեցին:
Երախտապարտ հայ ժողովուրդը, հավատարիմ իր սկզբունքներին, վթարված օդանավի կմախքից հուշարձան կառուցեց` ի երախտագիտություն Սերբիայի Հանրապետության և ի հիշատակ աղետյալ օդաչուների` հենց վթարի վայրում էլ հուղարկավորելով նրանց մարմինները:
