Տեղեկատվական կենտրոն
Նորություններ
Ակնաշեն, Մուսալեռ և Հայթաղ համայնքներում ավարտվել են սուբվենցիոն ծրագրով նախատեսված գազաֆիկացման աշխատանքները
09.12.2020
Ակնաշեն, Մուսալեռ և Հայթաղ համայնքներում ավարտվել են սուբվենցիոն ծրագրով նախատեսված գազաֆիկացման աշխատանքները.
Ակնաշենում գազաֆիկացվել են Կարեն Դեմիրճյան, 15-րդ և 16-րդ փողոցները, որի արդյունքում համայնքի ևս 40 տնտեսություն ապահովվել է կապույտ վառելիքով:
Ծրագրի ընդհանուր բյուջեն կազմել է 8 մլն 253.61 հազ. դրամ, որից ՀՀ պետական բյուջեից տրամադրված սուբվենցիայի չափաբաժինը եղել է 39.42%` 3 մլն 253.61 հազ. դրամ, իսկ համայնքի մասնակցությունը` 60.58%` 5 մլն դրամ:
Մուսալեռում էլ գազաֆիկացվել են ակտիվորեն կառուցապատվող Գ.Լուսավորիչ, Նարեկացի և Մուշ փողոցները` շուրջ 142 տնամերձ հողատարածք ապահովելով կապույտ վառելիքով:
Գազաֆիացումն իրականացվել է 24 մլն 623.69 հազ. դրամ ընդհանուր բյուջեի շրջանակում` պետություն-համայնք 50%` 12 մլն 311.845 հազարական դրամ համաֆինանսավորմամբ:
Հայթաղ համայնքում էլ իրականացված ծրագրի արդյունքում գազաֆիկացվել են Տիգրան Մեծ և Պարույր Սևակ փողոցները` համայնքն ամբողջությամբ ապահովելով կապույտ վառելիքով:
Գազաֆիկացման ծրագրի ընդհանուր բյուջեն կազմել է 10 մլն 053.22 հազ. դրամ, որն հավասարաչափ ֆինանսավորվել է ՀՀ պետական և համայնքային բյուջեներից: