Արմավիրի մարզպետի աշխատակազմ

Արմավիրի մարզ կատարած այցի շրջանակում Արտակարգ իրավիճակների նախարար Անդրանիկ Փիլոյանն Արմավիրի մարզային փրկարարական վարչությունում Արմավիրի մարզպետ Համբարձում Մաթևոսյանի հետ քննարկել են քաղպաշտպանության ոլորտին առնչվող մի շարք խնդիրներ: Կարևորվել է համատեղ իրականացվող «Ազդարարում, տարահանում, պատսպարում» միջոցառումների ինտեսիվ կազմակերպումը, մարզի տարբեր համայնքներում էլեկտրաշչակների նորոգման և նորերի տեղադրման հարցը:

Մարզային այցի ընթացքում Աի նախարարը եղել է Բաղրամյանի, Վաղարշապատի և Արմավիրի հրշեջ-փրկարարական ջոկատներում, ծանոթացել շենքային պայմաններին և տեխնիկական զինվածությանը: «ՀԱԷԿ» պահպանության հատուկ հրշեջ ջոկատում էլ նախարարը ներկա է գտնվել անցկացվող վարժանքին, ապա հանդիպում է ունեցել «Հայկական ատոմային էլեկտրակայան» ՓԲԸ-ի տնօրինության հետ: