Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Փետրվարի 23-ին ընդառաջ ընդունելություն` ՌԴ Արմավիրի սահմանապահ զորամասում
19.02.2021
ՀՀ Արմավիրի մարզպետ Համբարձում Մաթևոսյանն Արագածոտնի և Վայոց Ձորի մարզպետներ Դավիթ Գևորգյանի, Արարատ Գրիգորյանի, «Դոմ Մոսկվի» մոսկովյան մշակութագործարարական կենտրոնի տնօրեն Վահրամ Կարապետյանի և այլ պաշտոնյաների հետ միասին այսօր այցելել է Ռուսաստանի Դաշնության անվտանգության դաշնային ծառայության սահմանապահ վարչության Արմավիրի սահմանապահ զորամաս` մասնակցելու փետրվարի 23-ին` Հայրենիքի պաշտպանի օրվան ընդառաջ զորամասի հրամանատար Սերգեյ Վլասովի կողմից կազմակերպված ընդունելությանը:
Տոնական օրվան ընդառաջ շնորհավորելով ՌԴ Արմավիրի սահմանապահ ջոկատի հրամանատարական կազմին և աշխատակիցներին` մարզպետ Համբարձում Մաթևոսյանն ընդգծել է, որ Հայրենիքի պաշտպան լինելն իրավամբ կոչում է յուրաքանչյուրի համար, ով ամուր կանգնած է իր հողի վրա, միշտ վառ է պահում հայրենի օջախի կրակն ու իր հերոս նախնիների ազատատենչ ոգին: Նա ռուս գործընկերներին մաղթել է քաջառողջություն, աշխատանքային ու անձնական բազում հաջողություններ:
