Արմավիրի մարզպետի աշխատակազմ

ՀՀ Արմավիրի մարզպետ Համբարձում Մաթևոսյանն այսօր մասնակցել է ՀՀ կառավարության հերթական նիստին, որը վարել է ՀՀ վարչապետ Նիկոլ Փաշինյանը:

Կառավարության նիստի օրակարգային 39-րդ հարցի շրջանակում (չզեկուցվող) հիմք ընդունելով ՀՀ քաղաքացիական օրենսգրքի 594-րդ հոդվածը և ՀՀ կառավարության 2011 թվականի մարտի 24-ի N 305-Ն որոշումը՝ ՀՀ կառավարությունը որոշել է ՀՀ Արմավիրի մարզպետարանի հաշվեկշռում հաշվառված Էջմիածին քաղաքի Մ. Խորենացի 101/1 հասցեում բնակվող քաղաքացիներին (Ստեփանյան Անահիտ Ժորայի (Ստեփանյան Արամ Վալոդյայի, Ստեփանյան Ջեմմա Սամվելի, Ստեփանյան Ժորա Սամվելի, Ստեփանյան Լուսինե Վոլոդյայի, Ալեքսանյան Գոհար Սարգսի) ՀՀ կառավարության 2011 թվականի մարտի 24-ի N305-Ն որոշմամբ սահմանված կարգով նվիրել իրենց կողմից զբաղեցրած բնակելի տարածքները` համապատասխանաբար սեփականության իրավունքով և ընդհանուր բաժնային սեփականության իրավունքով՝ հավասար բաժիններով: