Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Մոդուլային» տիպի ևս 5 մսուր-մանկապարտեզ՝ Արմավիրի մարզում
20.05.2021
Գետաշեն, Նորավան, Փշատավան, Լենուղի և Այգեվան համայնքներում կկառուցվի «Մոդուլային» տիպի մսուր-մանկապարտեզ. ծրագիրը հավանության է արժանացել ՀՀ կառավարության կողմից
〰️〰️〰️〰️〰️〰️
ՀՀ Արմավիրի մարզպետ Համբարձում Մաթևոսյանն այսօր մասնակցել է ՀՀ կառավարության հերթական նիստին, որը վարել է ՀՀ վարչապետի պաշտոնակատար Նիկոլ Փաշինյանը:
Օրակարգային հարցերի շրջանակում կառավարությունն հավանություն է տվել Հանրապետության 10 համայնքում, այդ թվում՝ Արմավիրի մարզի Գետաշեն, Նորավան, Փշատավան, Լենուղի և Այգեվան համայնքներում «Մոդուլային» տիպի 144 տեղ հզորությամբ մսուր-մանկապարտեզի կառուցման համար անհրաժեշտ նախագծանախահաշվային փաստաթղթերի մշակմանը և համապատասխան համայնքներում տեղակապմանը:
Արմավիրի մարզի վերոնշյալ համայնքներում մսուր-մանկապարտեզի բազմակի օգտագործման օրինակելի նախագծանախահաշվային փաստաթղթերի մշակման և տեղակապման համար ՀՀ կառավարությունը կհատկացնի 25 մլն 700 հազ. դրամ:
