Արմավիրի մարզպետի աշխատակազմ

Համայնքների տնտեսական և սոցիալական ենթակառուցվածքների զարգացմանն ուղղված պետություն-համայնք համաֆինանսավորման սուբվենցիոն ծրագրի շրջանակում կլուծվեն #Էջմիածին քաղաքի համար առաջնային կարևորություն ունեցող հետևյալ խնդիրները.

1️⃣ Կհիմնանորոգովի Սբ.Մովսես Խորենացի և Բաղրամյան փողոցների ասֆալտբետոնե ծածկը,
2️⃣ Կհիմնանորոգվեն Բաղրամյան փողոցի մայթերը,
3️⃣ Կկառուցվի Ա.Մանուկյան 2-րդ թաղամասի կոյուղու (ջրահեռացման) համակարգը:

Հետիոտնի համար հարմարավետ տեղաշարժ, իսկ տրանսպորտային միջոցների համար անվտանգ երթևեկ ապահովելու նպատակով սուբենցիոն ծրագրով նախատեսված աշխատանքների շրջանակում կհիմնանորոգվի Սբ. Մ. Խորենացի փողոցի 8357.1 քմ, իսկ Բաղրամյան փողոցի 9603.2 քմ մակերես: Շարժման գոտիների քանակը յուրաքանչյուր ուղղութամբ 2-ական է:

Էջմիծին քաղաքի՝ 2021 թվականի համար հաստատված սուբվենցիոն ծրագրի հաջորդ բաղադրիչով էլ կհիմնանորոգվեն կենտրոնը շրջանցիկ ճանապարհի հետ կապող Բաղրամյան փողոցի մայթերը՝ 4959 քմ ընդհանուր մակերեսով:

Իսկ համաֆինանսավորման ծրագրի 3-րդ բաղադրիչով Ա.Մանուկյան 2-րդ թաղամասում, ուր կոյուղատար համակարգն ընդհանրապես բացակայում է, նախատեսվում է կառուցել 2212 գծմ ընհանուր երկարությամբ կոյուղագիծ:

Վերոնշյալ աշխատանքները նախատեսվում են կատարել պայմանագիրը կնքելուն հաջորդող 90 օրվա ընթացքում: