Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը գերազանցության ատեստատներ է հանձնել մարզի ոսկե մեդալակիրներին
16.07.2021
ՀՀ Արմավիրի մարզպետ Համբարձում Մաթեւոսյանն այսօր ընդունել և գերազանցության ատեստատներ է հանձնել մարզի երեք ոսկե մեդալակիրներին` Մրգաշատի Վ. Ափոյանի անվան թիվ 1 միջնակարգ դպրոցի շրջանավարտ Լալա Հովհաննիսյանին և Արմավիրի Ռ. Եղոյանի անվան ավագ դպրոցի շրջանավարտներ Էլիդա Գրիգորյանին և Արմինե Մկրտչյանին:
Դպրոցական ուսումնառության տարիներին ունեցած բարձր առաջադիմության և արձանագրված լավագույն արդյունքի համար շնորհավորելով մեդալակիրներին, նրանց կրթօջախների տնօրինությանն ու ուսուցչական կազմին, ծնողներին ու հարազատներին` մարզպետ Համբարձում Մաթևոսյանը նախ կարևորել է ստացած գիտելիքների լիարժեք կիարռումը մասնագիտական գործունեության մեջ և քաղաքացիական կյանքում, ապա մաղթել, որ ուսումնառության պրոցեսը շարունակական բնույթ կրի՝ տարեցտարի համալրելով նրանց իմացության մակարդակը:
Համբարձում Մաթևոսյանը հետաքրքրվել է նաև մեդալակիրների մասնագիտական ուղղվածությամբ և նշել, որ նրանցից յուրաքանչյուրը պետականաշինութան համար կարևոր ու առանցքային մասնագիտություն է ընտրել և ցանկացել, որ այն լավագույնս արդարացնի բոլոր սպասումները:
Մեդալակիրների հետ մարզպետի հանդիպումն ավարտվել է կարմիր ատեստատների հանձնմամբ:
