Տեղեկատվական կենտրոն
Նորություններ
Հովտամեջում 640 քմ մայթ և 1560 քմ փողոց կհիմնանորոգվի
19.07.2021
Հովտամեջում համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի շրջանակում կբարեկարգվեն Երևանյան փողոցի մայթերը՝ շուրջ 640 քմ, և Հ. Բաղրամյան փողոցը՝ ավելի քան 1560 քմ:
Երևանյան փողոցի մայթերի սալիկապատումը կիրականացվի կիսախողովակներ տեղադրելուց հետո, ինչը կնպաստի ոռոգման ջրի պատշաճ մատակարարմանը՝ նվազեցնելով ջրի կորուստը:
Իսկ համայնքի գերեզմանատուն տանող Հ. Բաղրամյան փողոցում նախատեսվում է կատարել ջրատարի հիմնանորոգման աշխատանքներ, որին կհաջորդեն տարածքի հարթեցումն ու տուֆե քարերի տեղադրումը՝ սալարկումը:
Ծրագրով նախատեսված աշխատանքների արդյունքում կապահովվի անվտանգ երթևեկ հետիոտների և տրանսպորտային միջոցների համար, իսկ համայնքն ավելի բարեկարգ տեսք կունենա:
Ծրագրի շահառուների թիվը 1488 է:
Աշխատանքների իրականացման ընթացքում կստեղծվի 8 ժամանակավոր աշխատատեղ: