Արմավիրի մարզպետի աշխատակազմ

Մուսալեռ համայնքի Նար-Դոս, Շիրազ փողոցները և Տիգրան Մեծ փողոց տանող ճանապարհը կգազիֆիկացվի՝ բարելավելով բնակչության կյանքի որակն ու կոմունալ պայմանները:

Համայնքների սոցիալ-տնտեսական ենթակառուցվածքների զարգացմանն ուղղված սուբվենցիոն ծրագրի իրականացմամբ 19 տնտեսություն՝ 73 բնակիչ, կապահովվի կապույտ վառելիքով:

Նշված փողոցներում առկա է նաև 160 տնամերձ հողատարած, որոնցում այժմ բնակելի տների կառուցման աշխատանքներ են ընթանում: Այդ տնտեսությունները ևս հանդիսանում են ծրագրի պոտենցիալ շահառու:

Գազաֆիկացման ծրագիրը կնպաստի համայնքում բնակչության թվի ավելացմանը և սոցիալական վիճակի բարելավմանը:

Ծրագրով նախատեսված աշխատանքների ընթացքում կստեղծվի 8 ժամանակավոր աշխատատեղ: