Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում-քննարկում՝ Արմավիրում «Երիտասարդների տուն» բաց երիտասարդական կենտրոն հիմնելու նպատակով
16.08.2021
ՀՀ Արմավիրի մարզում «Երիտասարդների տուն» բաց երիտասարդական կենտրոն հիմնելու նպատակով ՀՀ Արմավիրի մարզպետի տեղակալ Արգիշտի Մեխակյանն այսօր ընդունել է Գյումրու «Երիտասարդական նախաձեռնությունների կենտրոն» հասարակական կազմակերպության նախագահ Արթուր Նաջարյանին, կենտրոնի համակարգող Գայանե Առաքելյանին, ՅՈՒՆԻՍԵՖԻ հայաստանյան գրասենյակի ներկայացուցիչներ Հայկ Խեմչյանին ու Հեղինար Մելքում Մելքումյանին: Հանդիպմանը ներկա են գտնվել նաև Արմավիրի և Էջմիածնի քաղաքապետերը՝ Դավիթ Խուդաթյանը և Դիանա Գասպարյանը:
Հանդիպման շրջանակում ներկայացվել է ՅՈՒՆԻՍԵՖԻ ֆինանսավորմամբ Արմավիրի մարզում «Երիտասարդների տուն» բաց երիտասարդական կենտրոն հիմնելու հիմնական գաղափարը, այն է՝ երիտասարդների և երեխաների կարիքների համար նախատեսված ծառայություններ մատուցող կենտրոնների միջոցով աջակցել երիտասարդների սոցիալ-տնտեսական վիճակի բարելավմանը, խթանել երիտասարդների նախաձեռնողականությունը և նպաստել հասարակության մեջ երիտասարդության դերի բարձրացմանը:
Այնուհետև ներկայացվել է Գյումրու «Երիտասարդական նախաձեռնությունների կենտրոն» ՀԿ-ի գործունեության հիմնական ուղղվածությունը և Արմավիրի մարզում նմանօրինակ կենտրոն ունենալու հնարավորություններն ու նախատեսվող գործընթացները՝ երկուստեք կարևորելով նման ձեռնարկների դրական նշանակությունը երիտասարդության շրջանում:
