Արմավիրի մարզպետի աշխատակազմ

Օգոստոսի 23-ը Հայաստանի անկախության հռչակագրի ընդունման օրն է:
1990 թվականի օգոստոսի 23-ին ՀԽՍՀ Գերագույն խորհուրդն ընդունեց 12 կետից բաղկացած Անկախության հռչակագիրը, որով դրվեց Հայաստանի անկախության գործընթացի սկիզբը։

Այն հիմնարար իրավական փաստաթուղթ դարձավ դեպի անկախություն տանող ճանապարհին՝ նախանշելով Հայաստանի քաղաքական, տնտեսական, մշակութային զարգացման ուղիները:

Հռչակագրի ընդունմամբ հայ ժողովուրդը ամրագրեց, որ արժանի է ու հաստատակամ ունենալ ավելի լավ ապագա, ստեղծել, կառուցել այն սեփական ձեռքերով, հոգու և մտքի ուժով:

Այս պատմական օրվա առթիվ շնորհավորում եմ բոլորիս՝ ցանկանալով մեծ ուժ ու նվիրում մեր Հայրենիքի հզորացմանն ուղղված բոլոր ձեռնարկներում:
Աստված պահապան Հայոց աշխարհին ու հայ ժողովրդին: