Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Բաղրամյանում մեկնարկել է բուժամբուլատորիայի վերանորոգումը

14.09.2021

Բաղրամյան (Վաղարշապատի տ.) համայնքում մեկնարկել է նաև սուբվենցիոն 2-րդ ծրագրով նախատեսված բուժամբուլատորիայի վերանորոգումը:

Շինարարական աշխատանքներն իրականացվում են «Գրանտ Շին» ՍՊԸ-ի կողմից:

1984 թվականին կառուցված ամբուլատորիայի շենքը շահագոծման ողջ ընթացքում չի վերանորոգվել: Երկհարկանի կառույցի ընդհանուր ներքին մակերեսը կազմում է 616,9 քմ, իսկ շենքի հիմքի արտաքին մակերեսը՝ 371,1քմ:

Ծրագրի շրջանակում նախատեսվում է տանիքի կապիտալ վերանորոգում, մետաղապլաստե պատուհանների և դռների տեղադրում, էլեկտրականության մոնտաժում, սանհանգույցի վերանորոգում, ջրամատակարարման և ջրահեռացման ցանցի կառուցում, ինչպես նաև պատերի քսահարթում և ներկում:

Ամբուլատորիայի վերանորոգման ծրագրի արդյունքում համայնքի բնակիչները հնարավորություն կունենան ավելի բարեկարգ և հարմարավետ պայմաններում ստանալ բուժօգնություն, պատվաստում, հետազոտություն և այլ առողջապահական ծառայություններ:

Հիշեցնենք, որ Բաղրամյանում նույն ծրագրով ընթացքի մեջ է նաև համայնքի ջրամատակարարման բաշխիչ ցանցի վերականգնումը, որի ավարտին համայնքը կունենա 11 կմ երկարությամբ խմելու ջրագծերի գլխավոր մագիստրալներ, 670 տնտեսության համար նախատեսված ջրաչափման հորեր և 24-ժամյա որակյալ ջրամատակարարում:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2021-09-17 19:17:27