Արմավիրի մարզպետի աշխատակազմ

Մարզի հրատապ խնդիրների լուծման ծրագրի շրջանակում ավարտվել են Նոր Արմավիրի միջնակարգ դպրոցի ջեռուցման լոկալ համակարգի կառուցման աշխատանքները:

Դեռևս ապրիլ ամսին այցելելով Նոր Արմավիրի դպրոց և ծանոթանալով կրթօջախի խնայողություններով իրականացվող մասնակի վերանորոգման աշխատանքներին՝ Արմավիրի մարզպետ Համբարձում Մաթևոսյանը խոստացել է աջակցել դպրոցի ջեռուցման և դահլիճի վերանորգման ծրագրերի իրականացմանը:

Այսօր ուրախությամբ կարող ենք փաստել, որ մարզպետի անմիջական աջակցությամբ ՀՀ կառավարության կողմից հատկացված դրամական միջոցներով հնարավոր է եղել կարճ ժամանակում և ամբողջությամբ լուծել դպրոցի ջեռուցման խնդիրը:

Այսուհետ ձմռան ամիսներին կրթօջախում ուսումնադաստիարակչական գործընթացը կիրականացվի անհամեմատ տաք դասասենյակներում և հարմարավետ պայմաններում:

Կարճ ժամանակ անց իրականություն կդառնա նաև դահլիճի վերանորգման ծրագիրը: