Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք` աղետալի երկրաշարժի զոհերի հիշատակին
07.12.2021
1988 թվականի աղետալի երկրաշարժի 33-րդ տարելիցի կապակցությամբ ՀՀ Արմավիրի մարզպետ Էդվարդ Հովհաննիսյանը ՏԻՄ ներկայացուցիչների հետ այսօր ծաղիկներ է խոնարհել երկրաշարժին հաջորդած օրերին Հայաստանին օգնության շտապող և Էջմիածին քաղաքի մատույցներում ավիավթարի հետևանքով զոհված սերբ օդաչուների հիշատակը հավերժացնող հուշարձանին՝ հարգանքի տուրք մատուցելով արհավիրքի բոլոր զոհերի հիշատակին:
Էդվարդ Հովհաննիսյանն իր խոնարհումն է հայտնել երկրաշարժի զոհերի հիշատակին, երախտագիտությունը՝ հայ ժողովրդին օգնության ձեռք մեկնած բոլոր երկրներին՝ նշելով, որ մեր պետության խնդիրն է նաև հավուր պատշաճի ուշադրություն դարձնել երկրաշարժից տուժածներին, լուծել նրանց բնակարանային ապահովման հարցերը, որի ուղղությամբ, ըստ մարզպետի, տարիների ընթացքում մեծածավալ աշխատանքներ են իրականացվել և դեռ շարունակվում են:
