Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը ներկա է գտնվել 2021 թվականի ձմեռային առաջին զորակոչին Արմավիրի մարզից զինծառայության մեկնող նորակոչիկների ճանապարհման հանդիսավոր արարողությանը
20.12.2021
ՀՀ Արմավիրի մարզպետ Էդվարդ Հովհաննիսյանն այսօր այցելել է ՊՆ զորակոչային և զորահավաքային համալրման ծառայության Արմավիրի մարզի տարածքային ստորաբաժանում, Պաշտպանական գերատեսչության մարզային ստորաբաժանումների ղեկավարների և համայնքային իշխանությունների պատասխանատուների հետ ներկա գտնվել 2021 թվականի ձմեռային առաջին զորակոչին Արմավիրի մարզից զինծառայության մեկնող նորակոչիկների ճանապարհման հանդիսավոր արարողությունը:
Ողջունելով ներկաներին և իր խոսքն ուղղելով նորակոչիկներին՝ մարզպետն ընդգծել է, որ մեր երկիրն այսօր ամուր, քաջարի ու հայրենանվեր զինվորների կարիք ունի: Նա հայրենիքի նոր պաշտպաններին մաղթել է խաղաղ ծառայություն և բարի վերադարձ՝ հույս հայտնելով, որ ծառայության տարիները կնպաստեն տղաների ռազմական գիտելիքների ու հմտությունների հարստացմանը, մարդկային որակների կայունացմանը:
Մարզպետ Էդվարդ Հովհաննիսյանը նաև շնորհակալություն է հայտնել նորակոչիկների ծնողներին՝ իրենց որդիներին հայրենասիրության ոգով դաստիարակելու և զինվորական ծառայությանը պատրաստելու համար:
Նորակոչիկներին ծառայության մեկնելուց առաջ օրհնել է Տեր Գյուտ քահանա Գալստյանը՝ իր աղոթքում խաղաղություն հայցելով Հայաստան և Արցախ աշխարհին, անվտանգ ծառայություն՝ բոլոր զինվորներին:
Նորակոչիկները դեպի զինվորական կենտրոնական հավաքակայան մեկնեցին բարձր տրամադրությամբ և հայրենիքի սահմանները պաշտպանելու մեծ վճռականությամբ:
