Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՌԴ Արմավիրի սահմանապահ ջոկատում տեղի է ունեցած նորակոչիկների երդման հանդիսավոր արարողությունը
23.02.2022
ՌԴ անվտանգության դաշնային ծառայության սահմանապահ վարչության Արմավիրի սահմանապահ ջոկատում այսօր տեղի է ունեցել նորակոչիկների երդման հանդիսավոր արարողությունը: Այն մեկնարկել է Ռուսաստանի Դաշնության և Հայսատանի Հանրապետության օրհներգների հնչյունների ներքո: Արարողությունն ուղեկցվել է նորակոչիկների կողմից ՌԴ անվտանգության դաշնային ծառայության սահմանապահ զորքերի օրհներգի կատարմամբ և հանդիսավոր շքերթով:
Զորամասի շարահրապարակում՝ մարտական դրոշի ներքո, տեղի է ունեցել նորակոչիկների երդմնակալության հիմնական արարողակարգը, որի ընթացքում նրանք ընթերցել են զինվորական երդման տեքստն ու սահմանված կարգով ստորագրել այն:
Երդմնակալության հանդիսավոր արարողությանը հաջորդած ցերեկույթին Հայրենիքի պաշտպանի օրվա, մարտական ծառայությունն օրինակելի կերպով կատարելու և հայրենիքին անձնուրաց ծառայելու համար ՌԴ անվտանգության դաշնային ծառայության սահմանապահ վարչության Արմավիրի սահմանապահ ջոկատի զինվորական ծառայողներ գնդապետ Դենիս Կոմարովը, փոխգնդապետ Ալեքսանդր Կալուժենինը, ավագ սերժանտ Գարիկ Նիկողոսյանը և եֆրեյտոր Հովիկ Թովմասյանը ՀՀ Արմավիրի մարզպետ Էդվարդ Հովհաննիսյանի կողմից պարգևատրվել են պատվոգրով:
