Տեղեկատվական կենտրոն
Նորություններ
Համամարզային շաբաթօրյակ` ապրիլի 2-ին
29.03.2022
Արմավիրի մարզպետարանի նախաձեռնությամբ ապրիլի 2-ին մարզի ողջ տարածքում ընդհանուր մաքրման և աղբահանության աշախատանքներ կիրականացվեն:
Մարզի ազգաբնակչությանը, մարզային, համայնքային նշանակության կազմակերպություններին, հանրապետական գործադիր մարմինների տարածքային ստորաբաժանումներին, կրթական, առողջապահական հաստատություններին և մասնավոր ընկերություններին կոչ է արվում ակտիվ մասնակցություն ունենալ տվյալ համայնքում իրականացվող մաքրման աշխատանքներին։
Խնդրում ենք շաբաթօրյակի ընթացքում հատուկ ուշադրություն դարձնել ներքոհիշյալ հանրային տարածքների մաքրմանը և բարեկարգմանը.
- պատմամշակութային հուշարձաններ,
- գերեզմանատներ,
- զբոսայգիներ, պուրակներ, բակային տարածքներ,
- հանրային նշանակության շենքերի տարածքներ,
- աղբավայրերի շրջակայք,
- միջպետական, մարզային և համայնքային նշանակության ճանապարհների հարակից տարածքներ, առվեզրեր:
Շաբաթօրյակի շրջանակում մարզպետարանի աշխատակիցները կայցելեն համայնքներ, կմասնակցեն նախատեսվող աշխատանքներին՝ միաժամանակ հետևելով դրանց ընթացքին: