Տեղեկատվական կենտրոն
Նորություններ
Մ3 ավտոճանապարհի Լուսագյուղ-Երասխահուն հատվածում գտնվող կամրջի նորոգումը հրատապության կարգով ներառվել է 2022 թվականի հիմնանորոգման ծրագրում
30.03.2022
Մ3 ավտոճանապարհի Լուսագյուղ-Երասխահուն հատվածում գտնվող կամրջի նորոգումը հրատապության կարգով ներառվել է 2022 թվականի հիմնանորոգման ծրագրում, այժմ նախագծանախահաշվային փաստաթղթերի կազմման աշխատանքներ են ընթանում:
Գործընթացի մեկնարկի համար հիմք է հանդիսացել Արաքսի համայնքապետարանի՝ կամրջի վրա գոյացած ճաքերի վերաբերյալ օպերատիվ արձագանքը, որին էլ հաջորդել է Արմավիրի մարզպետարանի և Ճանապարհային դեպարտամենտ հիմնադրամի մասնագետների կողմից իրականացված ուսումնասիրությունը:
Անվտանգության նկատառումներից ելնելով՝ այժմ ապահովվել է այլընտրանքային ավտոճանապարհ՝ կամրջի շարունակությունը հանդիսացող և մինչ այժմ չշահագործվող կամրջով: Կատարվել են նաև երթևեկության սահմանափակումներ՝ կամրջի վրա մարդատար մեքենաների համար երթևեկությունն իրականացվում է մեկ գոտիով։
Միաժամանակ տեղեկացվում է, որ կամրջի փլուզման հետ կապված լուրերն ապատեղեկատվություն են և չեն համապատասխանում իրականությանը: