Արմավիրի մարզպետի աշխատակազմ

ՀՀ Արմավիրի մարզպետ Էդվարդ Հովհաննիսյանի համապատասխան որոշմամբ մարզպետարանի ոլորտային պատասխանատուներից ձևավորված աշխատանքային խումբը շարունակում է այցելել համայնքներ, շահառուների շրջանում գյուղատնտեսության ոլորտի պետական օժանդակության ծրագրերի վերաբերյալ պատշաճ իրազեկում իրականացնելու նպատակով:

Վերջին երկու օրերին մարզպետարանի աշխատակիցները եղել են Վաղարշապատ, Մեծամոր, Բաղրամյան, Փարաքար և Խոյ միավորված համայնքներում, հանդիպում-քննարկումներ ունեցել բնակչության և շահառու խմբերի հետ՝ վերջիններիս համապարփակ տեղեկություն ներկայացնելով կառավարության կողմից գյուղատնտեսության ոլորտում իրականացվող տասնյակից ավել ծրագրերի վերաբերյալ:

Հանդիպումների շրջանակում քննարկվել են նաև ծրագրերի ֆինանսավորման ընթացակարգերին, դրանց ներկայացման պայմաններին վերաբերող մանրամասներ: Մարզպետարանի ոլորտային պատասխանատուները պատրաստակամություն են հայտնել աջակցել ծրագրերի կազմման գործընթացին և մասնագիտական օգնություն ցուցաբերել ընթացիկ հարցերում: