Տեղեկատվական կենտրոն
Նորություններ
Աստված փրկիչ ու պահապան բոլորիս. մարզպետ Էդվարդ Հովհաննիսյանի շնորհավորանքի խոսքը Սուրբ Հարության տոնի առթիվ
18.04.2022
![](http://armavir.mtad.am/files/n_pics/31556_s.jpg)
Արմավիրի մարզի սիրելի բնակիչներ, հարգելի հայրենակիցներ,
Հայ Առաքելական եկեղեցին այսօր իր հավատավոր զավակների հետ տոնում է Հիսուս Քրիստոսի հրաշափառ Հարության տոնը կամ Սուրբ Զատիկը:
Եկեղեցին Հիսուսի Հարությունը տոնում է որպես Զատիկ, քանի որ նա համարվում է հավիտենական այն զոհը կամ պատարագը, որի միջոցով մարդը ստանում է մեղքերի թողություն, ապա` կյանք և հարություն:
Այս տոնը Տիրոջ հաղթանակն է ոչ միայն մահվան, այլև չարի նկատմամբ, քանի որ Աստծո Որդին մարդացավ և որպես մարդ՝ իր աստվածային զորությամբ մերժեց մեղքն ու չարիքը:
Եվ հենց այս հավատամքով և օրվա խորհրդով ցանկանում եմ, որ Աստծո Սուրբ օրհնությունը սփռվի ամենուր՝ մաքրագործելով մարդկային բոլոր մեղքերն ու հոգու արատները։ Թող աստվածային լույսով լցվի մեր միտքն ու հոգին:
Չմոռանանք նաև, որ այսօր ուրախության տոն է: Աղոթենք ու մաղթենք միմյանց հույս, հավատ ու սեր: Աստված փրկիչ ու պահապան բոլորիս:
«Քրիստոս հարյավ ի մեռելոց
Օրհնյալ է Հարությունը Քրիստոսի»: