Արմավիրի մարզպետի աշխատակազմ

Սույն թվականի ապրիլի 15-ին ՀՀ կառավարության կողմից ընդունված համապատասխան որոշմամբ մինչև 2022 թվականի մայիսի 1-ն ընկած ժամանակահատվածը բացառապես ինքնահոս եղանակով հաշվառված ոռոգման ջուրը մատակարարվելու է անհատույց՝ ոռոգելի աղակալված հողերի լվացման և խոնավալիցք հաղորդելու նպատակով:

Նույն որոշմամբ գետերի վարարումների հետևանքով հեղեղումները կանխելու նպատակով «Ջրառ» փակ բաժնետիրական ընկերությանը թույլատրվել է 2022 թվականի մայիս ամսվա ընթացքում գետերի վարարումները մայր ջրանցքների միջոցով բեռնաթափել, ինչպես նաև ջրամբարների լցվածության դեպքերում առաջացած ավելցուկային ջրերը ոռոգման նպատակով անհատույց մատակարարել ջրօգտագործողների ընկերություններին:

Մայիս ամսվա ընթացքում էլ ոչ մեխանիկական եղանակով ստացվող ոռոգման ջուրն անվճար կմատակարարվի մինչև 10 հեկտար հողատարածք ունեցող ջրօգտագործողներին: